السلام عليكن و رحمة الله و بركاته
ليوم موعدنا مع
احلي كباب ممكن تعمليه و في فرن البوتجاز تدخليه
من غير دوشة شي الفحم
و ده في ناس طلبته مني
قدمت قبل كده بفضل الله
باربيكيو علي الفحم
كباب من غير شواية بس ايه فعلا حكاية من مراميرو
ندخل بقي علي مقاديرنا
محتاجين لحم غنم الله عليه في الشي
ليه بقي بيبقي صغير و به نسبة دهن بتدي ريحة شي دمار
للتتبيل
( لبن رايب او زبادي
بصل
توم
عصير ليمون
خل
صويا صوص
دبس الرمان
كاتشاب
زيت زيتون و ممكن زيت عادي
فلفل رومي
توابل
( سماق و فلفل اسود و هيل و قرفة و كبيبة صيني و حبق جاف
و زنجبيل و روزماري و كمون و زعتر و كاري و معلقة كبيرة سكر )
الصور هتحكي الطريقة
دي اللحمة
لازم تكون صغيرة و ده بنعرفه من لونها
كل ما كانت وردي تبقي صغيرة
و دي مكونات التتبيلة
و كان عندي بصل اخضر قلت مش هيخسر
و اهو بردو تنضيفا للتلاجة يا سلام
و كلي في دورق الخلاط
نضيف التوابل ونضرب ضربتينتلاتة
بقت ناعمة و تمام يلا بقي نضفها علي اللحمة
و في علبة محكمة و علي التلاجة
يفضل 24 ساعة
لحد كده تمام كنت هشويها علي الفحم
جوزي الحاتي بتاعي كسل
و قالي اشويها انتي
هههههههههههه
انا كمان كسلت و قلت و ماله فرن البوتجاز
ده ظريف و دمه خفيف
رصيتها في صنية و دلعتها و ضفت بطاطس بس قطعتها كبيرة شويى
عشان تستحمل سوي اللحمة
و بصل بحاله
و غطيتها بورق فويل
و علي الفرن
تمام كده
لا مش تمام
الفرن بتاعي عمل الدنيئة معايا
ربنا يسمحه
و بعد مرور نص ساعة مش شامه ريحة قالبة العمارة و لا حاجة
اكتشفت ان الفرن مش شغال الفيشة بتاعته زعلت و بعدت عن المقبس
قلت و بعدين كده جوزي
هيخليني الم هدومي و هدوم العيال و هدومه و علي ماما و مش هيهتم
ان احنا في غربة
هههههههه
لازم اتصرف
لخبط الرصة اللي عملتها و قلبتها في حلة الضغط
اخدت تقريبا ساعة الا ربع
و يا خسارة الرصةالشر كله
و بعدين حطيتها في صنية تاني تاخد لون في الفرن و النتيجة
و طبعا و ده اساسي حرقت ليها فحمة
و الطعم كان خيال ووهم
و الريحة قلبت الشارع مش العمارة بس
و عجبت جوزي جدا اللي مش بيعجبه العجب
و طلبها تاني بس لم يمهلني ادخلها الفرن تتحمر
منقووووول